Isaac McHale, produktu gordina
Isaac McHale eskoziarra, The Clove Clubekoa (Londres), San Sebastian Gastronomikako agertokietara itzuli da bederatzi urteren ondoren, bere plater onenetako bi zuzenean prestatzeko.
“Nire ibilbide profesionalaren hasieran pentsatzen nuen oso sukaldari teknikoa izango nintzela, baina denborarekin ikusi nuen garrantzitsuena osagaiak zirela, xehetasun txikiak. Horregatik ekarri ditut gaur, nire ustez, nire plater onenetakoak diren bi. Eta elektrizitatea hainbeste igo denez, errezeta hauek gordinik doaz”, azaldu du Isaacek. Sardinak eta bieirak izan ziren protagonistak, beren lurraldean bikain gisa definitzen dituen produktuak.
Aurkeztu duen lehen errezeta sardina nigiri baten bertsio bat da, non patatak arroza ordezkatzen baitu. Platerak McHalek Japoniara egindako bidaia bat du inspirazio iturri. Bidaia horretan sushi man bat ezagutu zuen eta hark eskaini omen zion mokadu hura. “Inoiz dastatu dudan gauzarik gozoena da, ez da gogorra, itsaso zaporea du, krematsua da eta, etxera itzuli nintzenean, pentsatu nuen gure erara birsortu behar nuela, etxean”. Prestatzeko lan handia eskatzen du, sardina bi bider garbitu behar baita, arantzak kendu ostean, xerratan eta azala kenduta. Hiru sardina kilo, kilo eta erdian geratzen dira. “Erabiltzen ez dugun gainerako arraina salda egiteko erabiltzen da eta, horrela, dena aprobetxatzen dugu”, zehaztu du eskoziarrak. Ukitu europarragoa emateko, wasabiaren ordez ziapea erabiltzen da.
Platerean patata xafla oso fin bat dago, frijituta. Bertan, sardina xerra eta mahonesa puntu batzuk jartzen dira. Multzoarekin batera, salda jartzen da, zeinari esnegaina eta esnea gehitu baitzaizkio.
Lehenengo platerean testurak azpimarratu nahi ziren eta, honetan, zaporea da protagonista. Hori lortzeko, bieira izan zen bere aliatu onena. Plateraren gainean, boilur purea (boilur olioarekin eta txipiroi tintarekin egina), bieira, mandarina zukuaren glasatua, zitriko birrindura eta gatza. Hori guztia gozatzeko, hur txigortu zatikatua, bieira jele bat eta barrengorri gordina.
Zerikusia duten albisteak
Gastronomikak eskuzabaltasunaren gastronomia aldarrikatu du lehiaren gastronomiaren aurrean
Kongresuen sorrerako espiritura itzuli da, eta izen handiko sukaldariak izan dira beren ezagutzak apaltasunez eta gertutasunez azaldu dituztenak, Albert Adrià, Ricard Camarena, Quique Dacosta, Oriol Castro edo Pedro Subijana, besteak beste.
Haragia eta txingarrak, Gastronomika 2022ko azken saioko protagonistak
Diana Díaz Garrido, El Invernadero jatetxekoa, "Jaén, Paraíso Interior" Nazioarteko Sukaldaritza Sariaren irabazle
Saizar Sagardotegia jatetxeak irabazi du 2022ko Parrilla Lehiaketa Nazionala
Ramón Lertxundi parrillako agintean duela, Saizar Sagardotegia jatetxeak (Usurbil, Gipuzkoa) irabazi du Parrilla Lehiaketa Nazionala Discarlux haragiarekin.
Sarah Jane Evansek jaso du Pau Albornà i Torras Nazioarteko Gastronomia-Kazetaritzaren Saria
Adejeko Il Bocconcino jatetxea, Tenerifeko Fruta Tropikalekin eginiko Postreen II. Lehiaketa Nazionalaren irabazlea.
Bidaia bat gastronomian barrena zebitxearen bidez
Benito Gómezen a la minute sukaldaritza “soila”
Bardalekoak azaldu du bere sukaldaritza zer egoeratan dagoen; egunero egiten den mise en place sukaldaritza da, oso proteikoa “Barazkiak kostatzen zaizkit, baina pixkanaka…”, aitortu du.
Bi espainiar Erresuma Batuan "hezitzaile"
Nieves Barragánek (Sabor, Londres, Ingalaterra) eta Miguel Angel Mayorrek (Errioxa, Glasgow, Eskozia) "Espainiako gastronomiari buruz pedagogia egiten jarraitzeko" Erresuma Batura nola iritsi ziren kontatu ziguten.
Sukaldaritza britainiarrak eta espainiarrak eskua ematen diote elkarri Gastronomikan
José Pizarrok, Quique Dacostak eta Ángel Zapatak, Londresen arrakasta duten hiru espainiarrek, abentura britainiarra probatzera animatu dituzte beste kide batzuk, “Erresuma Batuak Espainiako produktua ezagutzen duelako eta nahi duelako”. Pedro Subijanak auditorium osoa zutik jarri du, langile faltari eta dauden gabeziei aurre egiteko beharraz ohartarazi duenean, eta aretoko langileen lana errespetatzeko eskatu du.
