Sarah Jane Evansek jaso du Pau Albornà i Torras Nazioarteko Gastronomia-Kazetaritzaren Saria
Idazle, kazetari eta master of wine britainiarrak San Sebastian Gastronomika - Euskadi Basque Countryren saria jaso du, eta jasotzean Espainiako ardoen aldeko alegatua egin du, "Europako ardo-herrialderik interesgarriena delako".
Bere curriculuma ikaragarria da. Master of Wine izateaz gain, Sarah Jane Evans Decanter World Wine Awardseko presidenteordea, IMWko (2014-16) presidente ohia eta Robert Mondavi Winery Awardeko irabazlea da (Teoria azterketan nota globalik onena lortu baitzuen). Horiek guztiak nahiko arrazoi dira Pau Albornà i Torras Nazioarteko Gastronomia-Kazetaritzaren Saria aurten emakume ingeles honi emateko; bestalde, Sarah-ak berak aitortu du Espainiaz maiteminduta dagoela.
"Oso hunkituta nago sari hau jasotzeagatik", zioen britainiarrak, eta segituan publikoa bere alde jarri zuen, esanez, Espainia dela “Europako ardo-herrialderik interesgarriena, dudarik gabe". Eta, denen artean, jerez ardoa nahiago du. "Ikasten ari nintzenean, Cambridgen jerez ardo asko edaten nuen (amaren esnea bezalakoa da niretzat). Nire bihotzean dago". Amaitzeko, Evansek hau esan zuen: "Espero dut nire lana Espainian inoiz ez amaitzea, herrialde liluragarria baita".
Emakume britainiar hau jerez ardoen zale amorratua da. 'Gran Orden de Caballeros del Vino'ko presidentea eta Sherry Wines-eko hezitzaile ziurtatua da, eta Dama de Albariño eta Dama de Solear sariak jaso ditu. Gure herriari buruzko hainbat liburu idatzi ditu, besteak beste, 'Sevilla', 'Los vinos del norte de España' eta 'Los Vinos del Centro y Sur de España'.
Gainera, Hego Amerikako eta Ipar Amerikako ardoak, Greziako ardoak eta munduko ardo gozo eta eskuzabal nagusiak ere ezagutzen ditu. Klasikoak eta Gizarte- eta Politika-Zientziak ikasi zituen Cambridgeko Unibertsitatean. Bere ibilbidea liburu-argitalpenaren munduan hasi zuen eta gaur egun 'André Simon Book Award'eko fideikomisarioa eta 'Classic Wine Library'ko editorea da. Hamarkada bat igaro zuen BBCko 'Good Food' aldizkariko editore elkartu gisa lan egiten, eta bere hitzaldiak erabiltzen ditu kontsumitzaileak animatzeko euren dastaketetan konfiantza izatera. 'Academy of Chocolate'ren sortzailea eta 'Chocolate Unwrapped' liburuaren egilea ere bada.
Pau Albornà i Torras Nazioarteko Gastronomia-Kazetaritzaren Saria
Pau Albornà i Torras izena eman zitzaion Gastronomia-Kazetaritzaren Sari honi, 2012an hil zen izen bereko kazetari gaztearen omenez. Erakundeak aukeratutako sukaldariek, kazetariek eta gastronomoek osatzen dute erabakia hartzen duen epaimahaia.
2013 Óscar Caballero
2014 Pau Arenós
2015 Mitxel Ezquiaga
2016 Xavier Agulló
2017 Nick Lander
2018 Anthony Bourdain
2019 Cristina Jolonch
2020 Ignacio Medina
2021 Julie Andrieu
2022 Sarah Jane Evans
Zerikusia duten albisteak
Gastronomikak eskuzabaltasunaren gastronomia aldarrikatu du lehiaren gastronomiaren aurrean
Kongresuen sorrerako espiritura itzuli da, eta izen handiko sukaldariak izan dira beren ezagutzak apaltasunez eta gertutasunez azaldu dituztenak, Albert Adrià, Ricard Camarena, Quique Dacosta, Oriol Castro edo Pedro Subijana, besteak beste.
Haragia eta txingarrak, Gastronomika 2022ko azken saioko protagonistak
Diana Díaz Garrido, El Invernadero jatetxekoa, "Jaén, Paraíso Interior" Nazioarteko Sukaldaritza Sariaren irabazle
Saizar Sagardotegia jatetxeak irabazi du 2022ko Parrilla Lehiaketa Nazionala
Ramón Lertxundi parrillako agintean duela, Saizar Sagardotegia jatetxeak (Usurbil, Gipuzkoa) irabazi du Parrilla Lehiaketa Nazionala Discarlux haragiarekin.
Isaac McHale, produktu gordina
Isaac McHale eskoziarra, The Clove Clubekoa (Londres), San Sebastian Gastronomikako agertokietara itzuli da bederatzi urteren ondoren, bere plater onenetako bi zuzenean prestatzeko.
Adejeko Il Bocconcino jatetxea, Tenerifeko Fruta Tropikalekin eginiko Postreen II. Lehiaketa Nazionalaren irabazlea.
Bidaia bat gastronomian barrena zebitxearen bidez
Benito Gómezen a la minute sukaldaritza “soila”
Bardalekoak azaldu du bere sukaldaritza zer egoeratan dagoen; egunero egiten den mise en place sukaldaritza da, oso proteikoa “Barazkiak kostatzen zaizkit, baina pixkanaka…”, aitortu du.
Bi espainiar Erresuma Batuan "hezitzaile"
Nieves Barragánek (Sabor, Londres, Ingalaterra) eta Miguel Angel Mayorrek (Errioxa, Glasgow, Eskozia) "Espainiako gastronomiari buruz pedagogia egiten jarraitzeko" Erresuma Batura nola iritsi ziren kontatu ziguten.
Sukaldaritza britainiarrak eta espainiarrak eskua ematen diote elkarri Gastronomikan
José Pizarrok, Quique Dacostak eta Ángel Zapatak, Londresen arrakasta duten hiru espainiarrek, abentura britainiarra probatzera animatu dituzte beste kide batzuk, “Erresuma Batuak Espainiako produktua ezagutzen duelako eta nahi duelako”. Pedro Subijanak auditorium osoa zutik jarri du, langile faltari eta dauden gabeziei aurre egiteko beharraz ohartarazi duenean, eta aretoko langileen lana errespetatzeko eskatu du.
